我好喜歡用日本蟹製作定食，預先將蟹拆肉，再炮製不同的菜式一次過上桌🍱之前煮過松葉蟹鱈場蟹毛蟹花咲蟹版本，今次到香箱蟹啦🌟
🔖重溫一下，香箱蟹是松葉蟹的雌蟹，體型較小，大概一隻手掌般大！取名「香箱蟹」是因為日本料理的吃法會先拆肉，盛起蟹膏和蟹籽，整齊排在蟹蓋內慢慢享用😋蟹籽有分內子和外子：
🔸內子🔸於蟹蓋內，呈橙色實心，口感綿密香濃
🔸外子🔸在蟹身出面，呈啡紅色，口感像平時吃的蟹籽脆卜
處理香箱蟹方法可以回看我上星期的post😙今餐用2隻香箱蟹製作5品料理🇯🇵首先分開蟹腳肉、蟹身肉/蟹膏、內子、外子、蟹殼，再用炒香的蟹殻煮高湯🦀用香箱蟹製作定食的好處是蟹膏多又香濃，蟹籽又有不同顏色，擺盤特別漂亮呀🥰
🍥蟹膏冷豆腐
🥣蟹出汁味噌湯
🐣蟹肉茶碗蒸
🍲蟹膏雜炊
🧀芝士薯蓉釀蟹蓋
⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆
🦀香箱蟹5品料理📝食譜
🔹做法🔹
1. ▪️處理香箱蟹▪️大鍋煲滾熱水，加入50ml清酒和鹽，煮12-15分鐘
2. 香箱蟹放涼，先剪走蟹腳，挑出蟹腳肉，再用匙羹刮出腹甲上的外子
3. 揭開蟹蓋，剪走蟹鰓，盛起蟹肉、蟹膏和蟹籽
4. ▪️製作蟹出汁▪️白鑊炒香蟹殼，加入1L水和昆布鰹魚湯包，滾起後合蓋小火煮1小時
5. ▪️蟹膏冷豆腐▪️燒豆腐用蟹出汁煮熟，鋪上蟹膏蟹籽即成
6. ▪️蟹肉茶碗蒸▪️ 蟹肉蟹膏放入茶碗，將2隻蛋打勻，加入200ml蟹出汁、半茶匙日式醬油、1/4茶匙味醂拌勻 （蛋液與蟹出汁比例為1：2）
7. 蛋液過篩注入茶碗，蓋上錫紙，中火蒸10分鐘，鋪上蟹腳肉蟹籽裝飾即成
8. ▪️蟹膏雜炊▪️ 半杯珍珠米和700ml蟹出汁放入大鍋，滾起後加入蟹肉蟹膏蟹籽拌勻（期間不時攪拌避免黏底，如有需要可以額外加入蟹出汁）
9. 米飯煮至理想濃稠度後，加入半茶匙日式醬油和1/4茶匙味醂，熄火，加入1隻蛋（日本生食用蛋）份量的蛋液，拌勻即成
10. ▪️芝士薯蓉釀蟹蓋▪️ 薯仔放入沸水，合蓋煮約20分鐘至刀可插入，撈起去皮
11. 牛油粒加入仍熱的薯仔，壓成蓉後加蟹肉蟹膏、鹽、黑胡椒碎調味；鋪上芝士，放入焗爐190度焗10分鐘至表面焦脆
12. ▪️蟹出汁味噌湯▪️蟹出汁加入混合味噌、大蔥調味即成
✨✨✨✨✨✨✨✨✨✨✨✨✨✨✨✨